केसांच्या वाढीसाठी व कोंडा घालविण्यासाठी साधे सोपे घरगुती उपाय – Simple home remedies for hair growth and dandruff

0
69
hair-growth
hair-growth

केसांच्या वाढीसाठी व कोंडा घालविण्यासाठी साधे सोपे घरगुती उपाय – Simple home remedies for hair growth and dandruff

केस गळण्यामागील प्रमुख कारण म्हणजे कोंडा. कोंड्यामुळे आपल्या केसांचे प्रचंड नुकसान होतं. केस तुटणे, केस गळणे तसंच डोक्यांमध्ये तीव्र स्वरुपात खाज येणे यासारख्या समस्या उद्भवतात. या समस्यांपासून मुक्तता मिळवण्यासाठी तुमच्या स्वयंपाकघरातही कित्येक प्रभावी सामग्री सहजरित्या आढळतात. घरच्या घरी आयुर्वेदिक-नैसर्गिक सामग्रींचा उपयोग करून कोंड्याची समस्या समूळ नष्ट करणे शक्य आहे. यासाठी तुम्हाला अधिकचा खर्च देखील करावा लागणार नाही आणि केसांची वाढ सुद्धा चांगली होईल. महत्त्वाचे म्हणजे हे सर्व उपाय सोप्या पद्धतीचे आहेत.

या घरगुती उपचार पद्धतींचा अवलंब केल्यास तुमच्या केसांवर कोणतेही दुष्परिणाम होणार नाहीत. केसांमधील कोंडा कमी (Summer Hair Care Tips) करण्याचा दावा करणाऱ्या कित्येक प्रोडक्ट्समध्ये मोठ्या प्रमाणात केमिकलचा समावेश असतो. यामुळे केसांवरील नैसर्गिक चमक नाहीशी होऊ लागते. केस कोरडे आणि मुळासह कमकुवत होतात. तर अशा प्रोडक्ट्सचा वापर करण्याऐवजी आयुर्वेदिक उपचारांची मदत घ्या.

​कोंड्याची समस्या दूर करण्यासाठी मेथीचे दाणे

Fenugreek seeds
Fenugreek seeds

कोंड्याच्या समस्येपासून लवकरात लवकर सुटका हवी असल्यास हेअर केअर रुटीनमध्ये मेथीच्या दाण्यांचा समावेश करून पाहा. आपल्या केसांच्या आवश्यकतेनुसार मेथीचे दाणे घ्या. एका भांड्यामध्ये मेथीचे दाणे रात्रभर पाण्यात भिजत ठेवा. सकाळी उठल्यानंतर मिक्सरच्या भांड्यामध्ये मेथीचे दाणे वाटून त्याची पेस्ट तयार करा. या पेस्टमध्ये एक चमचा नारळाचे तेलही मिक्स करा.

– चार ते पाच चमचे मेथीचे दाणे

– एक चमचा नारळाचे तेल

दोन्ही मिश्रण एकत्रित घेऊन पेस्ट तयार करा. ही पेस्ट मुळांसह केसांवर लावा. तासाभरानंतर हर्बल शॅम्पूने केस स्वच्छ धुऊन घ्यावेत. हा उपाय नियमित केल्यास तुम्हाला केसांमध्ये सकारात्मक बदल पाहायला मिळतील.

​लिंबू व आल्याचा रस

Lemon and ginger juice
Lemon and ginger juice

केसांमधील कोंडा कमी करण्यासाठी आपण लिंबू आणि आल्याचा रसाचाही उपयोग करू शकता.

सामग्री :

  • एक लिंबू
  • एक चमचा आल्याचा रस
  • दोन ते तीन चमचे नारळाचे तेल

सर्व प्रथम एका वाटीमध्ये दोन ते तीन चमचे नारळाचे तेल घ्या. यानंतर त्यामध्ये लिंबू रस आणि आल्याचा रस मिक्स करा. तिन्ही सामग्री व्यवस्थित एकजीव करावी. आता कापसाच्या मदतीने हे मिश्रण आपल्या मुळांसह केसांवर लावावे. कमीत कमी एक तास हे मिश्रण आपल्या केसांमध्ये राहू द्यावे. यानंतर हर्बल शॅम्पूने केस धुऊन घ्या. रीठा, आवळा, कोरफड, शिकेकाई यासारख्या आयुर्वेदिक औषधी वनस्पतींचा समावेश असलेल्या शॅम्पूचा उपयोग करावा.

​कोंडा होईल कमी आणि केस होतील मऊ

Anti Dandruff
Anti Dandruff

लिंबू, आले आणि नारळाचे तेल एकत्रित करून केसांवर लावल्यास यामुळे केमिकलयुक्त शॅम्पूमुळे केसांचे होणारे नुकसान कमी होण्यास मदत मिळते. लिंबूमध्ये सायट्रिक अ‍ॅसिड असते, यामुळे आपल्या टाळूची त्वचा निरोगी राहते. तसंच लिंबूमधील अँटी फंगल आणि अँटी-बॅक्टेरिअल गुणधर्म देखील टाळूच्या त्वचेसाठी पोषक आहेत. आल्याच्या रसामुळे आपल्या टाळू्च्या त्वचेवर कोणत्याही प्रकारचा संसर्ग होत नाही. तर नारळाच्या तेलामुळे केसांमधील तसंच डोक्याच्या त्वचेतील ओलावा टिकून राहतो. ज्यामुळे कोंड्याची समस्या उद्भवत नाही. तसंच निर्जीव व कोरड्या केसांचीही समस्या दूर होते.

​शॅम्पूचा अतिरिक्त वापर करताय?

use of shampoo
use of shampoo

तुम्हाला देखील शॅम्पूचा जास्त प्रमाणात वापर करण्याची सवय असल्यास वेळीच ही सवय थांबवा. कारण यामुळे केस निर्जीव, कोरडे होऊन त्यांचं प्रचंड नुकसान होतं. केस पातळ होणे, केस दुभंगणे यासारख्याही समस्या उद्भवतात. या समस्यांपासून दूर राहण्यासाठी तज्ज्ञांच्या सल्ल्यानुसार शॅम्पूचा वापर करावा. हर्बल शॅम्पूचा वापर केल्यास उत्तम.

(केसांवर बेसन लावण्याचे मोठे फायदे! तुमचे केस होतील घनदाट, मजबूत व लांबसडक)

​डॉक्टरांचा सल्ला देखील महत्त्वाचा

haircare-tips
haircare-tips

हे नैसर्गिक उपाय आपण नियमित स्वरुपात केल्यास केसांशी संबंधित समस्या दूर होण्यास मदत मिळेल. पण पौष्टिक आहाराचा अभाव, प्रदूषण, ऊन, धूळ, माती इत्यादी कारणांमुळेही केसांचं प्रचंड नुकसान होत असल्यास यावर डॉक्टरांचा सल्ला घेणे देखील गरजेचं आहे. तज्ज्ञांच्या मार्गदर्शनानुसार केसांसाठी योग्य औषधोपचार करावते.

Home Remedies for Weight Loss: वजन कमी करण्यासाठी घरगुती उपचार

 

LEAVE A REPLY

Please enter your comment!
Please enter your name here